inprimatu
Txantxangorria negu atarian
Izenburua:
Txantxangorria negu atarian
Sinadura:
Eusebio Igartza
Urkizaren iruzkina:
Egilea(k):
Igartza, Eusebio

Argitalpena:
Olerti.
Urtea:
1960
Argitalpenaren urtea:
Alea:
1960 I
Orrialdea:
11-12

Txantxangorria negu atarian

 

Igartza'tar Eusebi, beneditarra

 

 Adar mee baten dantxari,

 Txan-txan-txan, txan-txan kantari,

 Poz gaiņezka txantxangorri.

 

 Muxu damaio eguzkiak,

 ta ao xabalka, eztiki,

 Kantuz eskertzen txoriak...

 Biak maite miņ iduri.

 

 Adar mee baten dantxari,

 Txan-txan-txan, txan-txan kantari,

 Poz gaiņezka txantxangorri.

 

 Maitasun au ez betiko,

 Ostoak doaz lurrera...

 Negua aurki etorriko

 Muxu..., kantua ixiltzera.

 

 Adar mee baten dantzari,

 Txan-txan-txan, txan-txan kantari,

 Poz gaiņezka txantxangorri.

 

 Txindoki'ren tontorrean

 Ikus orduko elurra,

 Ixilko une berean...

 Ai, oni dion bildurra!

 

 Bien bitartean dantzari,

 Txan-txan-txan, txan-txan kantari,

 Poz gaiņezka txantxangorri.

 

 Laister zerua zatika

 Zure gain, ai!, eroriko;

 Orduan txantxangorrixka.

 Ain alai, esan, biziko?

 

 Bien bitartean dantzari,

 Txan-txan-txan, txan-txan kantari,

 Poz gaiņezka txantxangorri.

 

 Otz dar-darka erdi illa,

 Lumatxoak arro-arro

 Zabiltzanean jan billa,

 Ola, txoritxo, kantako?

 

 Ibil, ba, ibil dantzari,

 Txan-txan-txan, txan-txan kantari,

 Ta negu on, txantxangorri!!

 

 


inprimatu