Baratz bikaiņa
Sardui-Enbeita'tar Deunoro
Lore itxusirik ez dau eusko-baratzak,
Danak ditu ederrak, guztiak aratzak.
Ai, ni ba'nintz erlea! Krabelin joririk
Nun billatu? Ez bai da, iņun be, obarik.
Zorapenezko ikusmen! Txoriak txioka,
Ipar emea jostari lorakaz zibuka,
Egun-izarrak bigun, mosu ta laztanka
Ainbat edertasunek sor eta lor nauka!
Noian, bada, ikus-min, oin-sor, loraz lora.
Kanta ozena danak dakarste gogora...
Bat yat, baiņa, txit eder. Loraren bikaiņa!
Pipil zuri bai zara, beste iņor ez aiņa!
Adi naukazu, aurrez, begi biak zuri
Ederraren goi-maillan nai zaitut ikusi.
Ez naz bekaitz-zimikoz, ezta be negarti.
Oroen gaiņez betor, zorunez, OLERTI