Huntzaren aitorpena

Amaia Iturbide

 Ez da damutzekoa

 bakean eta ironian diseinatutako bakardadea

 —zuriaren asmoak adinako laztanetan

 enseiukarrean bezala esnatuz doana—

 luxu osoz zaintzea,

 harriaren egonean dirauen

 ortzemugaren itzaletan,

 amets kukutuek lilura ostotsuz

 bideak txirikordatzen dituzten uneetan,

 luxu osoz urtaroen soineko itxuraldatuaz

 ene bakardade bitxia janztea

 ez da, ez, damutzekoa