Eresi esnagarri
Otsalar'ek
Norbert Tauer'i, bere euskeltzaletasunagaitik, eskerkiz.
Smetana aundia, zer dakarkida gau ontan?
Moldavia'k daraman doņu berezi otsa,
ain sakonki astintzeko gaur nire biotza.
Zer arkitzen diat ire eresi entzungarri ortan?
Bohemia'ko bioliņen doņua negarti,
errekaren eten gabeko marmarioak apaindua
Checo-erri zintzoaren gogo eta naia,
agirian duelarik bere tolezkaitasun arrigarri.
Leiarrezko ereskioak zorrozki zulatuz,
nire erraietaraņo miņaren miņez sakonduz;
gau onen beltzean, beste gau bat sortuz.
Smetana'k edan zun ur garden ori
Eslava'ko ibai korronteruntz da izuri.
Moldavia! I aiz, i, erri jarraigarri baten iturri.
