Ingumatxo geznaria

Otsalar

 Nire leioko liliartera,

 etorri berria,

 lorarik-lora egurastera

 ingumatxo ikusgarria.

 Iduritzen zait agertu dala

 egaztizko lili eijerra

 nire biotz lilluratua

 maitekiro alaitzera.

 Bere ega dantzaria,

 margo parerik gabea.

 Gauza orren txanbeliña,

 nola asmatu al zenun Jauna?

 Ibilkera du ain ariña

 zirrikatzen duena ortzia;

 zalantzarik gabe da

 jolas-loretzat egiña.

 Duen ekitaldi laburra,

 liliz-lili, aldakorra

 orain begonia, gero krabeliña;

 jeranioan du tankera berria.

 Ingumatxo maitea

 nire leioan lorea,

 zelai-basoetan urrezko orria,

 zeruan aingeru pitxia.

 ... egaztadaz, kulunka,

 printza dizdiratsuak dariola

 aldendu zaida inguma

 leioetan zear, lorez-lorezka...

 Arkituko al duk, bera;

 nire biotzeko lili kuttuna,

 Kupido'k gezitu zaidana

 eta, nire geznaz, emaiok pa.