Ekaitzaren opagai

Aurraitz

 Negu txoriak ba-datoz,

 sartaldetik erostari.

 Euzki-izpirik ez da ageri;

 aize zaratatsua otz.

 Ilun dago itsasaldea

 odeian aserrezko ostots,

 oineztu gorriak zorrotz:

 atsalde erdin iluntzea.

 Gogoak bare itunean.

 Artzain-txistu tamalak mee,

 ituna zauritzen eme:

 ekaitza dator bidean.

 Odei-erazoaz motel,

 —eguratz arrotza samin—

 txori gaixoak kabi-min:

 gau-ertza dakuste goibel.

 Negu-txorien antzera,

 berein euskotar alderrai,

 sorkalde argiaren zai,

 Erria amets, ta minbera.

 Ekaitz ankerrak yaurtirik

 urrundu-anai maite ok;

 zuentzat du nere gogok

 agur itxaropentsurik.