Iru ordu Tabira'n

Lastarri

 Uda azkeneko artsalde baten

 iauzi naiz Durango errian

 iru ordu-bete egin ditut

 bakarr bakarrik kalian.

 Nora-ezian ibili naiz-ta

 iende guztian tartian

 itun samarrik, asarre antze

 daukat nire barrenian.

 Euskel-erriko dala

 Bizkai'ko Durango uria,

 niri ordea, iruritu zait

 dala gaztelarr erria.

 Alde guzitan belarrimotza

 ikusten da ugaria

 beren izkuntza nabarr-zikiñez

 naztuz euskeldun iendia.

 Noizbait ikus da euskeldunen bat

 gure izkeran mintzatzen

 ¡Ori duk motel! nire artean,

 ta orain zerbait naiz alaitzen.

 Atzetik berriz burrundadaka

 motzak dirade agertzen,

 ai nire miña, axanpa arnas otz

 biotza zait erdibitzen.

 Ingurutako euskoak ere

 erderaz dirade ari

 ¡seme gaizto madarikatoa!

 ¡uko diok ik Amari!

 Ez al duk uste, orain aizela

 iakintsu; lelo arro-ori?

 Ire aitona bai duk iatorra

 baña i aiz negargarri!

 «Metro»ko ardandegian sar naiz

 iendeai igez egiñik

 mai baten aurren iarriz

 itunik amorratuta oraindik.

 Kanpoan berriz musika otsa,

 dantzan guztiak eldurik,

 soñu itxusi onetxek dizkit

 belarri biak mindurik.

 Esan liteke erri onetan

 ioan dala euskel indarra;

 artsalde onek ondo zirudin

 gaztelako illun-nabarra.

 Alde guztiko erdeldun danak

 notin illetzu kaxkarra.

 igande iai-egun guztietan

 emen daukate batzarra.

 Alaxe zan ba egun onetan

 emen nintzala ageri,

 gauza au dana ikus ondoren

 tabernan bertsotan ari.

 Oro minduta nire ai otsak

 orri ontan ditut iarri

 Domu-Santu biaramoneko

 itun antze negargarri

                                                               1.954' garrenean.