Atzerrian
Aurraitz
Ua eresi ankerra!
Dantzea bizkor ebilan.
Ua eresi minbera!
Erio ixiltsu tartean.
Begikun batzun zauriak...
Dantzako lekua urduri.
Neskato baten lirainak
biotz bi zeuzkan yauzkari.
Sastakaien diz-dizera...
Bizkorrago eresia.
Sutan gazte biren lera,
zemai odol-egarria.
Iturri gorri bularrak...
Eriok zeroan bata.
Eten ziran soinu-otsak;
bestea be lurra yo-ta.
Saminduak erostaka.
Ustu zan dantza-lekua.
Mutil batek zeron neska
lepo-lepoan artua.
|