Deadarra
(Guda-osteko gaztediari)
Aurraitz
Itzarri adi gazte, lo ortatik itzarri!!!
Ez dantzuk mendiotan erostarik larri?
Azkatasun galdua duk eu billa aldarri.
Geureak dituk emengo arru ta mendi:
Iskillua artuki geukin etorri adi.
Arrotza zeukagu geu ondatu naiz gaindi.
Ez dakusk odolez gorri larreen orlegi?
Eure anaiak zintzo, lengo baten yagi;
Asko il, beste asko oraindik burruka oldargi.
Eure zai zegok gure Erriaren bizitza,
estuntz artean berein samiņen arantza:
koldarkeriz yopu iraun baino obe eriotza.
Itzarri adi gazte; etzadi egon loti.
Eten ditzagun lokiak, arrotzak iaurti
Bizitza-oinari azkatasuna beti.
