Nun ote da "Pakalin"?

Agnès Esponde

 Maiatz hastapen huntan,

 artzainak badu zer egin egun hauetan,

 zelaia utzi behar hain batean,

 mendirat buruz abiatu, artaldea aintzinean.

 Huna nun azken gauean,

 bildots bat sortzen dela uste gabean,

 laster "Paxkalin" izendatzen dugu,

 bazko eguna ospatzen baitugu.

 Artzainak gure saristatzeko,

 "Paxkalin" eskaintzen dauku oparitako,

 zer loria presenta eskuratu orduko,

 etxe guzia hori beha dago.

 "Paxkalin" gogoan jeiki orduko,

 haren artatzea lehen lehenik

 esne xorta bat prestatu behar zaio,

 murtxa-murtxa edaten baitu oraino.

 Eskolako bidea harturik

 huna guri segitzen loriaturik

 bide-erdi nunbeit eginik,

 etxeko bidea hartzen du bihotza hautsirik.

 Laster eskola finitu orduko,

 etxeko ateak zabaldu direneko,

 "Paxkalin" nihun ez ageri?

 nun ote sartua dugu debru hori?

 Bazter guziak erabilik

 oihuka etxe inguruak harroturik,

 amak azkenean burua apaldurik

 salatzen "Paxkalin" dutela egun hilik!

 Egundaino ez dakotet barkatu,

 nere bihotz mina sekulan eztitu,

 "Paxkalinen" herioa ezin onetsia baita,

 gizonaren gosea, noiz ote asebete izanen da!