Latsa tokia

Agnès Esponde

 Mendi ondoan,

 plazaren bazterrean,

 xutik zare amentsetan,

 orroitzapenak gogoan.

 Haurra nintzelarik

 iguzkiak beroturik

 zure itzalaz behartua,

 ur freskoaz goxatua.

 Astelehena jin eta,

 zure ondotik lasterka,

 eskorgak kargaturik

 boketaz gaindituak

 Emazteak elgarretaraturik

 mihia laxatzen da.

 Mintzo dira gorenetik

 herri guzia jorratua!

 Adin ederra bildu eta,

 herria zutaz orhoitu da.

 Ederki antolatu eta,

 beste mende bat dugu hasia.

 orai zare gaztetua,

 lasa harriez azkartua,

 hegatz berriz apaindua,

 jauregia bezain ederra.

 Ez dakit zure adina,

 bakarrik aspaldikoa zirela.

 Eskerrak Lekorne herriari

 zutaz baitira axolatu.

 Ba ote dago besterik

 herri huntan dakienik

 batzu besten sekreturik?

 Ez baituzu saltzen arimarik