Itzali den eguzkiari...

Agnès Esponde

 Nere aita maiteari

 Garazin zira sortu

 Lapurdin bizitzea hautatu

 lurrarekin bizi guzia borrokatu

 azken egoitzarat zaitugu lagundu.

 Beretter ona izan zira

 soinulari ezin hobeagoa

 lagun hainitz jostarazirik

 Jaungoikoak denak barkaturik

 Jin delarik igandea,

 mezan beti aurkitua

 lagun zonbeiten konpainian

 asteko berrien bilan.

 Astelehen goizetan

 Garaziz orhoitu eta

 bihotza alegrantziaz betea

 adixkide onekin elgarretaratua.

 Gogo bihotzak beti hogoi urtetan

 kantatzen zinuen lanean

 pertsu zonbait ere moldatzen

 ixtorio hainitz segur kondatzen.

 Baserrian zira sortu,

 betikotz lurra maitatu,

 izerdi hainitz ere xukatu,

 bizia hala duzu bukatu.

 Orai zeruko bidea harturik

 galde bat egiten dautzut lur huntarik

 otoi! lagunt gaitzazu gain hortarik

 umezurtz baigia ustegabetarik