Amanori

Agnès Esponde

 Eskual Herri barnean

 etxe pollit batean

 lore, baratzen erdian

 bizi zare zorionean.

 orroiturik haurra nintzanean

 astelehena jin orduan

 zure biderat aurkitua,

 bihotza osoki amodioz betea.

 Ene sortetxean, hoinbeste lanen erdian,

 ikusten zaitut eskuak hartuak

 latsagaren aintzinean, ala baratze alorrean,

 gogo, bihotzak beti omore onean.

 Amak erasiaturik bihotza ilundu eta,

 heldu naiz zure ondora.

 Altzoa eskatu eta,

 goxotasun egiazkoak betea.

 Orai zure familia inguruan,

 orroitzapenak gogoan,

 eskuak ximurtuak, urratsa nekea,

 bihotza eztitasunez betea.

 Adin ederrerat heldu zira,

 Jaungoikoak lagundu eta.

 Ez dakit nola zu eskertu

 hoinbeste zor baitugu.

 Bizi huntan ba ote da hobeagorik

 amaz bestalde emanen dionik

 ezin preziatuzko amodiorik

 neretako ez baitut beste amanorik.