Behar bada...
Xan Delpech
Zer gertatzen zautan ez dakit
Nahiak nauela utzi badakit.
Ene ziloan nago, nere arimarekin
Zerbaiten beha nago, bainan zer
Behar bada lagunen laguntza?
Behar bada iduzkiaren argia
Behar bada zaintzen ari naizen egia?
Ez naiz ikusten, ez naiz entzuten
Besteen begietan ez naizelako agertzen
Deus ez naizelako, ene indarrak ez direlako
jasotzen.
Zerbaiten beha nago, bainan zer!
Behar bada hetsirik dagoen atearen giltza?
Behar bada adimena dargien hilargiak?
Behar bada ezagutzen ez duten bizia?
Zer ikusi nahi dudan ez dakit
Nahiak begietatik ihes egin dit
Indarrak, deus ez naizenetik joan zaizkit
Bainan norat?
Behar bada zeru ezezagunerat?
Behar bada biharko goiz berri baterat?
Behar bada iņun, iņoiz, ezer den lekurat?