Herrian
Xabi Soubelet
Badakizu, Panpotx, hemengo azken berria?
Azkenik joan zauku gizontto itsusia.
Bai, gorotza guk deitzen ginuen, gizonttoa!
Herriko guziek gorrotatua zen hura,
Hain baitzen itsusi ta balio gabekoa!
Gan den ortziralean sartu dute lurrean
Beharrik bazuen sosik aski bere moltsan
Erretorak sar zezan hilherrian.
Ondotikan denak bildu gira ostatuan,
Eta irri egin dugu hontaz oroitzean.
Ttantta Mayi gaixoa ere gurekilan zen
Nahiz eta alaitzeko gogorik ez zuen.
Ttantta gaixoa! Orai ez da ontsa bizitzen
Bere xakurtto pollita hil denetik eixen.
Bai! Zaila da halako zorigaitza pairatzen.