Xabier Amuritza-ri

ERnest Alkat

 Bertsuzalea zauku, hasia galdean

 Zerbaiti ohartua, baita azkenean

 Pena ere badauka, bihotz barrenean

 Xori bat ixildurik, Bizkaia aldean.

 Euskal Herrian daude, xoriak nun nahi

 Bainan nork kantatzen du, horrek bezain garbi

 Gauaren ilunari, emaiten du argi

 Handi ginuke poza, berriz has baladi.

 Herria maitatuaz, egon zen kaiolan

 Han ere egin zuen, abesti eta lan

 Bihotz handikoa da, asko nahi eman

 Norat airatu zira? zatoz gurekilan.

 Kantatu izan duzu, zuhaitz gorenetan

 Gernikako arbolak, dauzkan aldaxketan

 Azkatasun amentsa, beti hegaletan

 Zendako mutu zaude? gu utziz penetan.

 Ez zuretzat atxiki, hoinbertze maitasun

 Esperantzaren berri, nahi dugu entzun

 Bazinduen omore, irri ta osasun

 Kanta zaguzu egun, zer gertatzen zaitzun.

 Euskadi maiteari, hoinbertze emanak

 Zinta ta liburutan, ederki etzanak

 Aurreratu ditezen, beti zure lanak

 Daukazun bihotzari, xertatu ezpainak.

 Ixilik dagoena, zail da ulertzea

 Xori handiak kalte, ahul den haizea

 Ez daukagu berririk, zer ezinbertzea

 Laburra izan bedi, zure ixiltzea.

 Ni bezala ainitzak, galde eta galde

 Maite dugun xoriaz, trixtatuak gaude

 Gure kezka samina, hartu zure alde,

 Zer daike xapelketa, Amuritza gabe?