Ez zitekeen amodio baten...

Xabier Soubelet

 Ez zitezkeen amodio baten

 zuhurtasun eta tirriaren arteko

 gudukak

 1

 Marea igotzen den bitartean

 Ekaitza zutitzen da bihotzean

 Itsas barneko taupada, padak

 Gogor bortitzak dira gaizoak.

 Zerua beltzatzen ari

 Ur urdina gorritzen ari

 Mirari baten iduri

 Hor gaude hezetzen ari

 2

 Guduka orain da hasi

 Itsasaldea doa goraki

 Hondarrean gaitu salbarazi

 Buia beltzak, zu ta ni.

 Zerua beltzatzen ari...

 3

 Urak hondarra du hezetzen

 Barre-zolaraino du bustitzen

 Amodioa ez da inoiz itotzen

 Ez baldin badu norbaitek laguntzen.

 Zerua...

 4

 Erabaki gogor bezan zuhur

 Deliberatze zuzenena, ziur

 Zu hondar eta ni ur

 Nork bere bidea eta agur.

 5

 Zerua xuritzen ari

 Ur gorria baretzen ari

 Mirari baten iduri

 Hor gaude zu eta ni.