Rio dei Tolentini
Aurelia Arcocha
Paretak mugitzen
ziren daldaraka
hiri estrainuan.
Denbora iheska
badoa urean.
Nun dira desiraren loreak?
Nun oroitzapenaren hostoak?
Aspaldiko eran
untzi beltz luzeak
badoaz irristan.
Euri tanta finak
harrien dirdiran.
Nun dira desiraren loreak?
Nun oroitzapenaren hostoak?
Hainbeste hasperen
entzuten noiztenka...
Imajinatu nuen
esku bat keinuka
eztiki mugitzen.
Nun dira desiraren loreak?
Nun oroitzapenaren hostoak?
Finale
Bost mende hauetan
hor zaude tristerik
lehio gibelean
begiak galdurik
musika entzuten