Sallent del Gallego
Gotzone Sestorain
SALLENT
urrutitik so zaitut,
eta elurretan harbel hondar bat zara.
SALLENT
hurbildik ez bazaitut ezagutzen ere
zure etxe eta jendek
mendiaren gorpu zigortu eta gordina dute
elurraren laztana
haizearen txinparta
eta eguzkiaren distira.
Pirinenoak, PIRINENOAK
ezin dut zuen soin bilutsia idatzi.
Pirinenoek, zuek, hausaroetan dakardidazuen
hats zorrotza
nere arnasa denez gero,
Pirineoi, zuei zenbat zor dizuedan
dizuegun nork sinetsi.
Eta zu Pirinenoez zara bizi,
Pirinenoetako herri nimino batean,
eta Pirinenoen erakartasuna
lilura daramazu zuragan.
Harkaitz, haran, gailur
eztai jantzi txuriz beztituak.
Eguzkiaren printzak
zure hortz elurreztatuetan
isladatzen dira,
azal zimela eta arana
sinpati leinurutsuak ebakitzen dizularik.
Goizeko hamarrak
jendea, eskiak elurraren birjintasuna
bortxatuz, zapalduz.
Goizeko hamarrak ziren
eta gu eskiak ere nola jarri
ez genekiela.
Goizeko hamarretan,
anorak gorri, txano urdina
eta betaurreko beltz ilunetatik
zure irrifar eztitsuak agurtu gintuen.
Goizeko hamarrak inguruan
jalki zenigun Juan zinela.
Zenbat elur usaindu
ote duzu, Juan, zure izerdiarekin
guri zerbait irakasteko ahaleginetan.
Eskiak asfaltoan, eskiak makarrean,
amildegiak ere eskiatuak,
kafetegi eta kabinak eskiz hiltzatuak,
eta zuk zenbat maite zenituen
zure altxor preziatuenak bailiren.
Zelan aurkitzen da, Juan
zure behi erdituberria?
Arratsaldeko bostetan elurra agurtu
eta gezi urreztatua antzo
hor zoaz usu etxeruntz
bidenabar ardo pare bat hartuz.
Ardo pare bat arratsaldez,
eta gaualdean gautxoriei dagokienez
"La cueva" kobazulo barnekoian
Gin-tonik esku batean
kanutoa ezpainetan
"ilegales" entzunaz,
zure begiradan eguzkiak bainatu
Gailego errekaren koile ņirņirra
iger nezakenekoa dasta dezaket
behi zimaurraren lurrinak
lore basatiez bustiak
kilika nazaken fez oraino.
Eta behingoz
zure anfora herabea eskeini zenidan
orain nere altxorren gordelekuan
kuttunki daukadana.
