Ixilik dago hiria...
Gotzone Sestorain
Ixilik dago hiria,
ixiltasunaren ur sakonetan murgildurik
lo ixilean lo.
Ekialdetik ortzea urratzen hasi da,
arrosa irakitzea doa,
eta kaioek
ilargiaren gerizpean
hondartza bakartiaren lekuko bakarrak izanak
ekin diote hegatzeari.
Ortze arrosatuan
pinpilipaux xuriak bailiren
biraka dabiltza,
urazalean hatzeman ditzaketan
arraintxo zilarreztatuen ehizan.