Gau batez nere zintzur lirainetik...

Christian Andres

 Gau batez nere zintzur lirainetik

 hiru aldiz tu egin nuen

 logabetuaren begi tristeak

 eta bihotza

 beltxarga ikaztuarena bezain poetikoa

 zuen mila urteko zizare bat jalgi zen.

 eta nere pentsamen urrunduenen

 lurperaino jautsi nintzen

 eta han haraindian

 desesperatuki distiratzen bortxatzen zen

 izar ttiki ahul-ahulak argitzen zuen.

 eta orain gizon hain kartesianoak,

 eskatzen dizuet

 zein erranahi emango diozuen

 egun batez nere luma zoratuaren gainera

 erori den ezin sinetsizko lore xorta horri.