Mozkor saltsa...

Gotzone Sestorain

 Mozkor saltsa

 berdin

 gaitzeko auntza;

 whisky eta pattarrarekin

 sabela barrutik

 zein kanpotik bustirik,

 kanutoaren eraginez

 hodei bidarietan

 ifarretik hegoaruntz

 saia arroxez apaindurik

 bidaian,

 whisky, pattarra, kanutoa

 aldaroka, aldaroka

 mozkor saltsa gaitza

 Mozkor gaitza

 berdin

 inkomunikazio latza;

 gaitzeko auntzaren lehen hatza

 inkomunikazio komunikazio gaitza.

 Gizakumeok elkar errefusarazten

 gaituzten gezi bortitza

 norberak besteengana jaurtiki

 ohi ditugunak

 errusten ez ditugun bitartean

 orbainduko ez den gaitza.

 Inkomunikazio gaitza

 berdin

 gaitzeko auntze latza.

 whisky, pattarra, kanutoa

 aldaroka, aldaroka

 mozkor saltsa gaitza

 Bizkarretik heldurik

 bete latzak boteaz

 jendea bero, bero

 bertsotan eta algaraka

 eta mozkor saltsan

 dantzan aldaroka.

 algaraka eta aldaroka

 a ze nolako auntze hatsa

 Auntze hatsa eta kiratsa.

 Enparantza, kaleak

 ostatuak...

 izerdi usainaz

 izerdi, tabako eta alkoholaz.

 nahasian

 galanki

 lurrinduak.