inprimatu
Hostaiak...
Izenburua:
Hostaiak...
Sinadura:
Gotzone Sestorain
Urkizaren iruzkina:
Egilea(k):
Sestorain, Gotzone

Argitalpena:
Maiatz.
Urtea:
1985
Argitalpenaren urtea:
Alea:
10.zk.
Orrialdea:
5

Hostaiak...

 

Gotzone Sestorain

 

 Hostaiak

 eta hostoetatik ernatzen ziren

 txoriek ere

 hotsegin zidaten

 bertan gera nendin,

 eta Floridako pakean

 gertu nintzen

 itsaso berdean

 barneratu nintzela.

 

 Eta begiak

 zorabiaturik bezela,

 jostetan hasi zitzaizkidan

 itsasoko olatuak bailiren;

 

 behin hostaitik at

 ortzeko gandu kotoitsuan

 eskegitzen ziren,

 beste behin hostaitik hona

 lore eta belarren

 usain bezean

 galtzen zitzaizkidan

 

 lekuaren erreferentzia

 behingalduz,

 deusean

 pausatu nintzeneraino.

 Orduan

 sosegatu

 nintzen.

 


inprimatu