Eguerdiz ere...

Gotzone Sestorain

 Eguerdiz ere

 amesten dudala ote da,

 edo ametsaren sorgin haizeak

 gorputz bilutsien jazmin lurrinez

 besarkatzen nauela

 ausentziaren eza ere

 izarren begi maiteminduen lanbroz

 bustitzen didala.

 Sumatzen zaitut

 ihes eta ihes

 horma biloztu hauetatik ihes

 eskailera zalkortuak bidez

 munduarengandik ihes

 zuhaitz larrugurrien urteroko

 zeta horlegia

 lez

 behin eta berriz ihes

 espazioaren esentzian zure bakardadearen

 hostoak ereinez.