Badihoa...

Gotzone Sestorain

 Badihoa,

 hor goian

 mendi odolduen zehar,

 lurreko mugalde guztietara

 bere kantu xuriz jantzia

 zabalduz,

 ostondorantz

 hego mugagabea

 hedatuz.

 Zeru zilareztatuan

 galtzen dihoa

 sumaezinezko oroimen irudia.

 Badihoa,

 ametsetan, nola

 laino urdinaren melodia

 ialgitzen den

 mirestuz.

 Hegoa, ostondoa,

 laino ezkutua,

 udazkeneko izara

 mila solas margotuetan

 jalkia;

 usoaren bihotza

 zorionaren eztanda.