Otsaila...

Gotzone Sestorain

 Otsaila

 otso hila

 otsoak gosez hilak,

 otsaila hile hotz

 izotz matazak

 elurraren mototsak erasoz.

 Heltzen doaz,

 badatoz

 otsoa edo artza

 ahoa bete hortz

 goian haizea baita hotz

 eta gosea latza.

 Otsaila, otso hila,

 otsoak goseak hilak,

 non zabiltza,

 zeren bila,

 hain aztarri habilak

 sabelaren korapilo zorrotza.

 Otsaila,

 otso hila,

 ailegatu dira

 jadanik

 ez hats, ez hatz

 zer aurkitu lautadara

 agian izanen dute itxaropenik

 erraiak daitezen gozoz.

 Otsaila

 otso hila,

 sabel erraiak mingots.

 ja etsiz ohikatuz

 noiz ernatuko diren

 errekatxoen bizi hots

 itxaropen printz daitezen

 liluraz murmurikatuz.