Zure gorputzaren gune bakoitzean

Gotzone Sestorain

 Zure gorputzaren gune bakoitzean

 plazerraren garraisia zurrupatuz

 ene hatz niminden lehunarekin

 xeratzen nabilkizu,

 zure hatsaren lurrina neuren

 gozotasunez dastatuz.

 Zure ezpainen mahats mikatzan

 igerian ez ezik

 aho hordiaharri horren ezetasunean

 txalupa desbideratuaren antzo

 murgiltzen nauzu;

 eta esparen egarriz,

 egarriaren orratzak kilikaturik

 ene begion gezi uhelak

 begi nabar eta goibel horien

 marmari kristaldua ere

 edan nahi lukete,

 orratzen barneratzean

 azken zorion hegatzea

 zure bihotzaren hegoak

 musukatzekos ere.