Ez, ez naiz goibel...

Gotzone Sestorain

 Ez, ez naiz goibel,

 maitasun-minak urratu

 hasperen ziztularien ozentasun latzari

 ez bainintzaion murriztu.

 Hona hemen itsas ertzean

 geldirik,

 sakontasun aldagaitzan soa xahuturik

 zentzuak oro balada etengabeaz

 liluraturik,

 egurats gardenaren hatz izoztuek,

 hilotz tentea banintz, ausartki

 nere soinaren gune ezkutuena ere

 xurgatzen didalarik.

 Gau beltza. Intziri zorrotzek

 goi zolu itzalduan ziztatuz,

 otsoen eguzki zuriaren

 haiduru dira.

 Zenbat edertasun hozkildurik

 nere maite espa bakarra!