Neurrigabetasun zelai zilarreztatuak...

Gotzone Sestorain

 Neurrigabetasun zelai zilareztatua

 zeru itun eta borobilpean etzina

 nere so urriaren

 bakezko aintzira geldia.

 Kaioen hego konpasatuak

 elur maluta txuriak bailiren

 urduritasun sakonaren

 orraze igikor dira;

 uhin hautsien apar jarioak

 aldiz

 ixildunearen balada suntsitzaileak,

 arkaitz sabel zigortuen

 gatibotasuna.

 Betsein ttipi batean

 zenbat edertasun

 isladatua!

 Iragana, orain, geroa

 betikotasunean

 halako laket liluragarrian

 itoa !