inprimatu
A claus de sorra
Izenburua:
A claus de sorra
Sinadura:
Miquel Marti i Pol
Urkizaren iruzkina:
(Eusk.: Joseba Sarrionandia)
Egilea(k):
Sarrionandia, Joseba
Martí i Pol, Miquel

Argitalpena:
Maiatz.
Urtea:
1984
Argitalpenaren urtea:
Alea:
5.zk.
Orrialdea:
22

A claus de sorra

 

Miquel Marti i Pol

 

 Harezko iltzetan eskegi ditut tresnak

 eta behelaino kutxetan gorde ditut liburu guziak.

 Orain, eskuak kolorez margoturik,

 festarako arropak jantziko ditut

 eta zinematik irtetzen diren neskak itxarongo .

 Euria bada margo deigarriko guardasola eramanen dut

 eta ferde ausarteko zapata handi batzu.

 Neskak iragan eta esanen dute -Arratsaldeon

 (agian guziek, nork daki!, maite naute isilean)

 eta karrika izugarritan barrena aldenduko dira

 leinu ezezaguneko gizonen besoen barruan galtzeko.

 

 Akitu eta etsiturik, oraindik maite ditudan bertsoak

 ahopean errepikatuaz, itzuliko naiz

 iluntzean etxerantza: eta astuna eginen zait erropa

 nagitasunaren keinu herabearen gainean.

 

 Eta atari bakoitzean bikote bat egonen da

 mosuka edo nork daki zertan, artean nik,

 bakarrik eta babesgabe, pentsatuko dut

 gaua igurikatzen nauen dontzeila bat dela

 eta oihuka urratuko dut harengandik bereizten nauen lilura.

 


inprimatu