inprimatu
Hirian arrastuz
Izenburua:
Hirian arrastuz
Sinadura:
Horbel
Urkizaren iruzkina:
Egilea(k):
Horbel

Argitalpena:
Korrok.
Urtea:
1989
Argitalpenaren urtea:
Alea:
12.zk.
Orrialdea:
10

Hirian arrastuz

 

Horbel

 

   Mudurri arrastu eginen haiz

 hiriko ormen artean,

 argirudi gabeko,

 misteriorik gabeko

 hiri honetan.

 

   Hire aurrean, atari ilunek

 opaku eginen diate,

 han hemenka,

 kaleetako urdin zaharrakitua.

 Gauaren lanintzak harrapatuko hau

 mamu uher itzurti bilakatuz,

 ataritik atari,

 itzalpetik itzalpe.

 Azkenean,

 azken atariren batean,

 zoko-urrin batek abegi eginen dik,

 hiriko egun hauskararen ilunaldean,

 hatsaren gainean jarrita,

 hausnarrari ekin hakion.

 

   Baina ez pentsa:

 ez argi ņabarrik, ez misteriorik ere,

 ez duk izanen hiri honetan...

 Hiriaren laino uherra,

 hiriko kaleak, atari ilunak,

 hi heu, itzurti hori,

 arrastuz joanen zarete

 bertzerik gabe.

 

 


inprimatu