|
Nafarroa gaindi
Patxi Perurena
Nafarroan da Bardena
Lurralde celai gardena.
Galaperrac dostaca dabiltza
Gari tartean barrena.
Urbasa gaiņeco bazca,
Hidoi hecean ur asca:
Basahateaz uretan dabiltza
Butzuan plisti ta plasta!
Ultzamaldeco ibarra,
Mendi muiņoan lizarra:
Oquil berdeac zulatu dio
Goieneco adar iharra.
Larraunen goiti Aralar,
Basoan arantza ta lahar.
Miruac cabia eguiteco
Bildu dittu mila adar.
Basaburuco celaiac,
Pago gerritan ardaiac:
Adaxcatic adaxcara dabiltz
Chori berritsu alaiac.
Ahezcoaco oihanac,
Herizti eder liraiņac.
Uso izuac iragan dira
Ceharcatuz mendigaiņac.
Erroncarico erroitzac,
Putre arren egoitzac:
Arroillac behera dihoaz urac
Iraganaren oroitzac.
Baztango haran ederra,
Maldan behera ur lasterra.
Iratzepean cantari dago
Arratsaldean eperra.
Saraitzuco maceletan,
Hego haice epeletan:
Illunbarrez pausatu dira
Usapalac ezpeletan.
Sacana eta Burunda
Hodei illunac culunca.
Gau ixilla colpatzen dute
Hontzec basoan huluca.
|
