inprimatu
Ferminen heriotzari
Izenburua:
Ferminen heriotzari
Sinadura:
Txiki Idoate
Urkizaren iruzkina:
Egilea(k):
Idoate, Txiki

Argitalpena:
Korrok.
Urtea:
1984
Argitalpenaren urtea:
Alea:
5.zk.
Orrialdea:
39

Ferminen heriotzari

 

Txiki

 

 Hik ez huen bizi nahi

 Bakardadea eta isiltasuna heuzkan lagun

 hi hire bizitzaren jabea

 honela erakutsi diguk bizitzaren balioa

 ez dik inporta

 hire kariak

 negarrak eta malkoak guttiegi, pobreegi

 somatzen dizkiat

 Bakardadea eta isiltasuna heuzkan lagun

 hi hire bizitzaren jabea

 Bidegurutzean gaituk

 eta hil ala bizi hautatu behar diagu

 hik egin huelako

 hi hire bizitzaren jabea haizelako

 Ez diat uste oihurik eginen hukeenik

 erortzerakoan

 Bakardadea eta isiltasuna heuzkan lagun

 hi hire bizitzaren jabea

 hire bizitzat hiltzeko, amaitzeko balio zian

 Hire lagun guztiak tristatu zituan

       denek negartu ziaten hire heriotza

       denak beren buruarekin aitortu zituan

     baina ezer ez ulertu

 Bakardadea eta isiltasuna heuzkan lagun

 hi hire bizitzaren jabea

     Ez ziaten ulertu hire azken hatsa

     bizitza bera

     dela

     oraindik

                                                                 84.eko Abuztuan

 

 


inprimatu