Teos-ko Anacreonte

                                               (Kristo aurreko 530 urte inguru)

         —Cleobulo maite dut,

             Cleobulok kilikatzen nau,

             Cleobuloz xoraturik nago.

                             —Léucade arrokatik neure burua jaurtikiz berriro

                               olatu zuritan naiz murgiltzen,

                               amodioz mozkor!

 —Eros-ek, neure bizarra zuritzen ikusterakoan,

   bere urre-distirazko hegalen haize leunen artean,

   ez ikusiarena eginez hegaka doakit.

       ...lotolorez ehunduriko txirikordak bularrari

                                         kiribildu zitzazkion...

                   —Berriro ere Eros-ek kolpatu ninduen,

                     harotz batek bezala aizkora izugarri batez

                     eta erreka ekaiztsu batetan

                     garbitzen jarri ninduen.