Pausalekua

 {TITULUA}

Joseba Santxo

                                               Ez dut aurrerapausorik eman nahi!

                                                           atsedenpausarik bai!

                                                                         lasai!

                                                                           zai!

                                                                     zai egon...

                                                                   lasai egon...

                                                         egonean egon... egon...

 nekatuta nago,

 unatuta,

 abailduta,

 akituta,

 akitu. . . ta. . . kitu!

 geldi bedi lehengo indarra

 aurrera segi beharra

 eta egon nagoela, idatzi, nire arpegi izkutua

 erakutsi

 idatzi, asko edo gutxi

 baina idazteari

 eutsi

 zirriborroz bete orri zuria

 hutsaren jakituria

 idatzi nahi dut idatzi

   gaur, bihar eta etsi... penaren orduan

 naufragoen moduan

 ito barik ordea

       ura belaunetik behera dudala

 gaur, eta eskua paper gainean

 gaur, idazteko ahaleginean

 gaur, ura gelditu nahian bezala

 Ez bilatu zentzurik, ez belaunik ez urik

 idazten ari naizela

 naufragoek bezela

 Ez bilatu gehiago... egonean bait nago.