Gorka Setien
ez dut politikoek negoziatutako hizkuntzarik desira
grafiko farmakorik,
ihintzaren ametsetan murgiltzen bainaiz sarri.
historia eta espazioa bokadillo batean iresteak
arnasa estutzen dit,
maitasuna dastatzean
ez dezaket manifestapena esan
exzitazio baizik
pizkunde ala agonia unibertsidade edo hilerri...
kamamilarik ez dago baratzetan.
beti bixitatzen gaituen lainoaren orrialde zensuratuetan
hamaika hots huts larri.
exorzitzaileak bere akelarretan pozik daude
amona sukaldean umekeriak kantari
hiloba artoaren truke
oilasko lerdoa dirudi.
gure zuloetan oihartzun eta zarata eza,
zaldien kaskoak asfaltoa jorratzen ari
bulego basco zakur sirenalari;
umeen malko eta sortzear dauden loreekin
banderak esantu dira,
pergamino modernoetan beldurra uniformea
funzionari klasifikatzaile
astoak eliz ataritan txistulari iraultzaile
bedeinkazio sagardoa dotriņa eta prenahiduzuna
edo aurreloquesea.
erroibar edo etxalarko hitzen musika ixuri zen
gau batean emakume batzuren aho xamur bero
konspiratzaileetatik
eta orduan...
denbora eza
gizona mutu
bulegoetako bentanilak hertsirik.
