inprimatu
Lore xume bat...
Izenburua:
Lore xume bat...
Sinadura:
Maripi Solbes
Urkizaren iruzkina:
Egilea(k):
Solbes, Maripi

Argitalpena:
Susa.
Urtea:
1982
Argitalpenaren urtea:
Alea:
4.zk.
Orrialdea:
25

Maripi Solbes

 

 Lore xume bat

       ximeltzen ari da

                   hamar zentimetro luzeko ontzian

             deus ez dezaket egin

                       idor ez dadin,

                 eta erruduna sentitu naiz

           ziorik gabe gertatzen diren

                   hilketa absurduetaz,

       baina gora altxatu ditut begiak

   eta ez dira malkoz bete

       irripar xehe bat bota dit

     pareta leunaren atzean sortu den eguzkitxoa

 ez naiz deus pentsatzeko kapaz sentitu

       eta epelean

       igelen loak harrapatu nau.

 

 APIRILAN

               ondio

                         negarrrez negua

             Maitasunezko Celtas

         uxatu tristeak

                   muxukatu nahiean

           nere ezpain azal zauritua,

         eta ni, ariketan hitzekin

         konturatu nahi gabean

                   malkoak irensten didatela

                           apurka

                                     eztarria.

 

 


inprimatu