Jaurerri imajinarioak

Miguel Sánchez Ostiz

                                     (Poeta nafar honen poema hau argitaratzeke

                                           duen "Reinos Imaginarios" liburuaren

                                         zatia da. Aurrez, "Pórtico de la Fuga"

                                       kaleratu zuen Ambito Literario sailean).

 Beldurra,

 beti bestekaldean dagoen

 kristalaren bestekaldeko

 tximeleta beltzen hodei geldia,

 garraisia eta baita bala ere.

 Eta honunzkaldean,

 inoiz hega multikoloreak izan zituzten

 txori disekatuak.

 Beldurra,

 erloju deskonposatuaren atzean,

 inoiz irakurriko ez duzun liburuaren

 horri itxietan habia eginda.

 Beldurra, gaur,

 bada antzinako oroimena ere.

 Eguzkiaren imajina gordetzen duzu

 gelan tamizaturik sartzen zaizularik:

 hauts mehearen kortinak, hots bat

 Holakorik ote zen?

 Goruntz zihoen goiz isilean

 huntz pozointsua

 ametsak itoaz.

 Eta bai, ni egon nintzen han.

 Oraindik ere adin gabe nago,

 iheskor,

 bestekaldea arakatuz,

 oroimena aurreratu zaidanez

 gaur itzuli den une hori,

 haseraren imajin zehatza errejistratuz.

 Debekuaren ateetan,

 beldurraren ateen aurrean.