inprimatu
Neure eskua...
Izenburua:
Neure eskua...
Sinadura:
Koldo Izagirre
Urkizaren iruzkina:
Egilea(k):
Izagirre, Koldo

Argitalpena:
Ustela.
Urtea:
1975
Argitalpenaren urtea:
Alea:
Orrialdea:

k. izagirre vrreaga

                                                                     1975, negua

 

 Neure eskua

 beste esku batetan grapaturik

 izerdi bakarra jaso dezan

 ala

 surtarako dut.

 

 Neure besoa

 bizkar bat ingura dezan

 ala

 erauzteko.

 

 Neure ahoa

 egiari hegoa zabal diezaion

 ala

 adriluz tapiatzeko.

 

 Neure begiak

 (denok espero dugun) egunaren ilunabarrean

 negar egin dezaten

 ala

 gauak eramateko.

 

 Neure bularra

 zure ametsaren burua deskantsa dadin

 ala

 etsipen-keak itotzeko.

 

 Neure bihotza

 ba dakizu

 zuretzat

 eta

 denentzat.

 

 


inprimatu