Lau hilabete betetzean
Ho Chi Minh
euskaratzailea: Iņaki Aramaio
1941eko udaberrian, Indotxinako lurrak japoniarren mende zeuden. Vietnamgo
iparraldean komunista iraultzaile batzuk, Ho Chi Minh euren artean, Vietminh
delakoa sortzeko bildu ziren, hau da, Vietnamen independentziaren aldeko
elkartea. Japoniar eta frantziarrak gudukatu eta Vietnamgo Errepublika
Demokratikoa sortu nahi zuten, eta mendietan eratu zuten beren erresistentzia
armatua.
1942ko udan Ho Chi Minh, talde hartako burua, Txina aldera abiatu zen ahiei
frente elkartu bat proposatu eta txinar komunistak bisitatzera. Muga iraganda,
ordea, atxilotu eta kartzelan sartu zuten. Orduan idatziak dira bere poemarik
ezagunenak, Gartzelako Egunkaria izenekoan bilduak.
Gartzelako egun bat, libertateko mila urte
Aintzinakoen arrazoia!
Gizonarentzat ez den bizitza honetan lau hilabetek
Hamar urte baino gehiago zahartu naute.
Lau hilabetetan ia ez dut jan,
Lau hilabetetan ia ez dut lo egin.
Lau hilabetetan ez naiz arropaz aldatu,
Eta lau hilabetetan ez naiz behin ere bainatu.
Hagin bat galdu dut, ilea urdindu zait
Argal, zikin, deabrua bezala goseak urratua,
zauriz eta hazteriz estalia.
Zorionez, lasaia eta gogorra naiz,
Batere zalantzarik gabe,
Eta gorputzez hautsirik banago ere,
ene gogoa osorik dago.
Liburutegietako arratoi zaharrentzat:
Ho Chi Minh: Gartzelako Egunkaria. Susa 1985. Iņaki Aramaiok itzulia Herrera
de la Manchan..