Bernardo Atxaga

 LauaXeta gogoan, eta begien omenez

 titi haur hil-dugu-gaur, hil hil

                                     hurra!

 eta erleak eta panterak persekutatzen

 bete ditugu geure azken mendeak

                   urte oro, zenbait arrats

 LauaXeta gogoan, eta begien omenez

 phortunaren karroza beltza

 uste dugu

 Urtsuara abiatu aurretik...

 Urtsuan,

 titiak ebaki dizkiogu

 Lantainako alabari

 heriotz fruitu bailiren

 eta LauaXeta gogoan, bi zuhaitz gazte

 landatu dugu haren ninietan

                                                                       (1978an)