Txinako itsasoen...

Itxaro Borda

 Txinako itsasoen uhain beroetan,

 Beren bela motelak hego haizez hantuz,

 Portuak oro hunki nahiz geroetan

 Paperrezko untziak badoatzi kantuz...

 Ez dira leihorretan kraskatuz hautsiko,

 Ez dute arriskurik bidea galtzeko,

 Zeru geldietarik ez dira jautsiko

 Segurtamenak hiru sosetan saltzeko...

 Galerna azkarrena dute beren alde:

 Txinako itsasoen uhain kexatuak

 Paperrezko untzien kontraka debalde

 Altxatzen dira beti, haguna negarrez,

 Ezinean itoak ta mexprexatuak

 Izarreri hildoak zilatu beharrez.