"Txistu" jaio zaigu

Zubigarkume

  Aitatxo'ren eskutik benetan pozez idazten dut auxe.

 "Euskalerri" soroan

 gosetik ibilli gera

 eusko bildotx taldea

 mendi ta karrika

 amatxoren titia

 utzi gendun ezkero

 janari onen billa

 muxinka-muxinka.

 Beti arrotz belarrok

 arki ziran ordea:

 "La Risa", "Sancho Panza",

 "T.B.O.", "A.E.I.",

 "La alegría infantil",

 "Pierrot"... ta onelako

 zenbatxo belar mota

 neronek ez dakit.

 "Argia"k egun batez

 erein zuan ordea

 "Txistu" belar onaren

 azia soroan

 eta gaur sortu zaigu

 "Argia"ren semea

 naro ta txit indartsu

 eusko lur gozoan.

 Aupa! zorioneko

 gauden eusko bildotxak,

 jan dezagun guziok

 gose giñan bazka

 eta jaki sendo au

 jan ondoren erraz

 auziko dizkiagu

 "Pierrot", "Sancho Panza"...