Azken irria
Zamora, Auxtin (Auxtin)
1
Zure pausuak,
gauak hartuak
doatzi haize hegoarekin,
larrazkeneko osto hilekin,
2
buruz behera,
ixildu zira
behin betikotz, neure maitea,
neretzat utziz azken irria.
3
Azken irria,
azken zurea,
ne' eskuetan zoin den beroa,
lurreko hatsez zonoat betea,
4
azken irria,
azken zurea,
bizi huntako zarrapo, xixta
minartzaleen suntsitzalea
5
azken irria,
azken zurea,
ez dut utziko goiz alde arte,
leiho tartes argitu arte,
6
gero penekin,
ihintzarekin,
ixuriko dut dena kanpora,
doala zure atxemaitera.
7
Kraskatuko da
neure etxea,
egunak zauzkit lanoz beteko,
ne' eskuetan orme sortuko.
8
Zure bidea,
neure maitea,
hor dut izanen laster hartzeko.
Azkar begiak ditut hetsiko:
neure pausuak,
gauak hartuak
doatzila bai hegoarekin,
larrazkeneko osto hilekin.
|