Pillota joko maitagarria

Lexo

 -I-

 Pillota joko maitagarria

 zuregana nator kantuz.

 Itzegitea zillegi data,

 baiña mintza nadin kontuz.

 Nere burua ez da irixten

 jakinduriz ta talentuz,

 baiña esango dudan pitiña

 esan nai dut pulamentuz.

 -II-

 Zure jokoa ain da ausarta,

 gizonentzat berezia.

 Begiratzeko ikusgarria,

 arrituz jende guzia.

 Euskal pillota deitzen dizute

 Eta duzu merezia.

 Nun jaio ziñan ez dakit baiña

 emen azi ta ezia.

 -III-

 Jaio lekua izan ziteken

 pillotarentzako non ez;

 berdin Errusi, Ameriketa,

 Txina, Japoi edo Londres.

 Baiña ementxe kokatu ziñan

 ez dakit nola demontrez.

 Ederra zera eskuz, txisteraz,

 palaz, sarez da remontez.

 -IV-

 Zu menderatzen pillotariak

 egiten du alegiña.

 Saiatugatik gertatzen zaio

 sarri mendera eziña.

 Baiña batzutan lortu ere bai

 gaindituaz daukan maiña.

 Eta orduan zure jokoak

 arrapatutzen du gaiña.

 -V-

 Jendea zutik jarriko zaizu,

 orduan oin da txalo.

 Bere barruan zer sentitzen dun

 esaterik ez, auskalo!

 Dudarik gabe, zure jokoaz

 lilluraturikan dago.

 Edertasunez jantzirik zagoz

 joku oberik al dago?

 -VI-

 Zu jokatzeko batek bear du

 sasoi eta ixpiritu.

 Indar utsetan pillotaria

 ezin diteke gelditu.

 Beso ta zankoz ariña izan,

 gerritatik erdibitu.

 Burutik, berriz, zientzi gizon

 aundinak ainbat meritu.

 -VII-

 Udaberriko eguzki epel

 datorren lez goiz intzera:

 erriko aur bat famili batek

 seme artzen dun antzera.

 Dirudienez, pillota maite,

 gugan sortua etzera,

 baiña sententziz nik diot, Euskal

 Erriko puxka bat zera.

 -VIII -

 Zorionean egunen batez

 gugana ziñan ingura,

 ta bear bada egon zindezke

 gutaz zerbait errenkura.

 Euskerarekin sartuaz auxe

 datorkit orain burura,

 D'Etxeparekin batera diot,

 pillota ialgi mundura.