Edozer gauza gerta diteke Granadan

Lexo

 1

 Bai enetxoak edozer gauza,

 gerta diteke Granadan:

 Ondo pentsatzen jarri ezkero,

 mutilak gauza nola dan.

 Condor hotelan gertatu da hau,

 heun da hamaika garren salan.

 Euskal bertso ta Andaluz «cante»,

 nahasian kanta da han.

 2

 Andaluzira joan zaizkigu,

 hemendik bi bertsolari.

 Hirugarrena ere ala da;

 ta gainera, kazetari.

 Etxeberria eta Narbaitza,

 kupira gabe kantari.

 Aranburutar Antton dutela,

 laguntzaile ta gidari.

 3

 Hirukote hau ez da makala,

 hau da nire, iritzia.

 Andaluziko lurraldetara,

 hortxe dugu iritxia.

 Eta bertatik egiten dute,

 egunero irrintzia:

 Aberasgarri gertatu bedi,

 berri den esperientzia.

 4

 Andaluziak izango ditu,

 gauza bitxi, dotoreak.

 Ikus bazterrak egin lagunak,

 Jaso giza baloreak.

 Erakutsiaz euskal herriak,

 ditula bere loreak.

 Pentsa, zazute zuek zarete,

 gure enbajadoreak.

 5

 Nik ondo dakit aspalditxotik,

 zuek jatorrak zeratela.

 Euskal herrian izena goruntz

 jaso dezakezutela.

 Kapaz zarete Andaluzakin,

 sortzeko giro epela.

 Hori ikusiz nork esango du

 separatistak garela.

 6

 Andaluzia ez da alare,

 orain elburu bakarra.

 Bertsolaritza bideak hausten,

 asi zaigu barra barra.

 Jakin dudanez Madrila ere,

 bertsotara joanik bada.

 gizkaitar lagun bertsolari bat;

 bera dugu Intxaurraga.

 7

 Notizi hauek direla bide,

 badut zerbait amestua.

 Zerbait zabaltzen asi ote den,

 gure kultura estua.

 Ea egia bihurtutzen den,

 Iparragirren kantua.

 Eta noiz baita ematen dugun,

 munduan gure frutua.

 8

 Euskadi dena lagunok zuen,

 baitan jarri da zintzili.

 Aukera ona daukazute ta,

 ez beintzat egon ixili.

 Goraintzik eman beraz gogotsu,

 Andaluzi ta Madrili.

 Berriro elkar ikusi arte,

 guziok ondo ibili.