Jayotza

Urrestarazu, Andoni

 Goyen, oi! Betleen;

 Jaya dugu gauan

 Gaberdira eltzen,

 Goyan eta bean.

 Goyen, oi! Betleen;

 Gaua da pakean,

 Izar distiratzen,

 Illargi betean.

 Goyen, oi! Betleen;

 Ardiak marrakan

 Mendian larratzen,

 Artzañak zaintzean.

 Goyen, oi! Betleen;

 Otza bazterretan,

 Izoztuta erreten,

 Berotzeko, sutan.

 Goyen, oi! Betleen;

 Lillura aizean,

 Ametsetan, garden,

 Gogoak lurrean.

 Goyen, oi! Betleen;

 Gizadia gentzan,

 Eman bear izen,

 Nork bere aurkintzan.

 Goyen, oi! Betleen;

 Billa ostatuan

 Ezin lñun sartzen,

 Bearrez arpean.

 Goyen, oi! Betleen;

 Aita oso kinkan,

 Ama, itxaroten,

 Semearen leyan.

 Goyen, oi! Betleen;

 Oro geldi eguratsan,

 Lo eziña aberen

 Erne gizonagan.

 Goyen, oi! Betleen;

 Arrabotsa urian,

 Entzun eragiten,

 Dagoen bizian.

 Goyen, oi! Betleen;

 Dana ixil mendian,

 Txintik ez, bederen,

 Zugatzen ostayan.

 Goyen, oi! Betleen;

 Zunpa, bat-batean,

 Ortzea idekitzen,

 Goi-argiz, sostean.

 Goyen, oi! Betleen;

 Zer ote odeyetan?,

 Aintza!, abestuten,

 Gotzonek taldetan.

 Goyen, oi! Betleen;

 Aurra yaurestean,

 Seaskan ikusten,

 Asto bei artean.

 Goyen, oi! Betleen;

 Ama biotzean,

 Maitasun kartsuen,

 Aita gar berean.

 Goyen, oi! Betleen;

 Aur Yainkoa'gan,

 Lurtar biziaren

 Itxaropenean!!