Estibalitz'eko Ama Nekuts'ari

Urrestarazu, Andoni

 Estibalitz'eko Ama

 Nekuts done-donea,

 Zuretzat biotza, ona

 Guzia da zurea.

 Araba'ko Zaindaria

 Ama errukiorra,

 Onar gure eskaria

 Kartsu ta maitekorra.

 Zaindu, bai, nire gogoa

 Berdin ene gorputza,

 Ura siñistunagoa

 Beste oso utsa.

 Emaiguzu itxaropena

 Emon alaitasuna,

 Zuganako eraspena

 Berebat maitasuna.

 Zureak dituzu aurrok

 Zureak gure otoiak,

 Zureak be arabarrok

 Zureak gure deiak.

 Zuregana gatoz egun

 Abestuten lekayoz,

 Zure babes oso aldun

 Aurkitzeko nai beroz.

 Zure semetzat onartu

 Ama txit maitekorra,

 Zuganaño aurreratu

 Txikiteri ijuikorra.

 Ama deitu nai zaitugu

 Miren Ama maitea,

 Guretzako bear dugu

 Izen ori gordea.

 Eskeiñi gura dizugu

 Gure biotz lenago,

 Osorik onar zaiguzu

 Gero ta kartsuago.

 Eskeiñi nai dizkizugu

 Gure puskatxoak be,

 Errian artu ditugu

 Bakoitzak bana bere:

 ANDOIN:

 Andoindarrak miniño bat

 Legun eta otzana,

 Onera, orra naiz arat

 Miauka ta laztana.

 IBARGUREN:

 Ibarguren txakurtxoa

 Gaiztoño bada, xamurr,

 Iruditzen da eroa

 Sumatuz ogi-kuskurr.

 URABAIN:

 Urabain'etik bildotsa

 Kizkurrez bete soña,

 Beeka da bere otsa

 Bakun zuridun aña.

 DURRUMA DEUNA:

 Durruma Deunak antxume

 Dakarkizugu arabe

 Ikotika ibiltzeko,

 Berekin jostatzeko.

 EGINO:

 Egino'ko untxi bitxi

 Belarriak tentetxo,

 Tuku-tuku daki ibilli

 Totoka be gaiztotxo.

 ILARDUYA:

 Ilarduya'ren erbia

 Pitxi ta ibilkari,

 Goiztiri ta arrastaria

 Ezin geratu geldi.

 AMAMIO:

 Amamio'n sortu txita

 Zugana pio-pio,

 Bere opari polita

 Orrela sortzen zaio,

 ARAYA:

 Araya, erle lantzalek

 Ezti eskeintzen dizu,

 Itxaron Estibalitzek

 Gero obe emanen baitu.

 ALBENIZ:

 Albenizen tximeleta

 Egazka dabillena,

 Bere margo eder sorta

 Ona ekarri duena.

 AMEZAGA:

 Amezaga'n dago gira

 Bertatik igeltxoa,

 Kro-kro egiñik, onera

 Zuratzat da osoa.

 ZALDUENDO:

 Zalduendo ko aatea

 Egan, ibil, igariz,

 Zugana gaur etortzea

 Buruak eman antsiz.

 GALARRETA:

 Galarreta'n usakuma

 Gogotsu dabil beti,

 Eztiena dun urruma

 Eskeintzako isi Zuri.

 GORDOA:

 Gordoa'tik txoriñoa

 Txiruliz datorkizu,

 Txikia bada soiñoa

 Biotz-maitale sutsu.

 ARRIOLA:

 Arriola'n katagorri

 Adarrez-adar punpa,

 Zugana arri ta belarri

 Zugan dago pulunpa.

 EGILAZ:

 Egilaz zear txindurri

 Azkurria biltzen du,

 Zuretzat gura ekarri

 Ta biotzez eskeindu.

 AZPARRENA:

 AZPARRENA'KO AUR ORO

 Emen gauzkazu, AMA,

 Zureganaño aboro

 Maitasunak garama.

 Poz eta atsegiña oso

 Datozkigu Zugandik,

 Biziko gera eroso

 Areago oraindik.

 Guztiz maitezale zeran

 Gure Ama laztana,

 Zure seme auen yoran

 Betiko Zu zerana.

 Miren Ama errukitsu

 Maite zaitugu ziñez,

 Zureganako ustetsu

 Goaz itxaropenez.

 Gure errietan barrena

 Abesten dugu bero,

 Zuretzako eraspena

 Aunditzeko gaurgero.

 Alaiturik eldu gera

 Ba-goaz alai-alai,

 Agur Ama biozbera

 Izan beti gure zai.