|
Bizi ta ekintza'ri abestia
Urrestarazu, Andoni
A:
Bizia da ekintza!
B:
Ekintza da bizia!
A-1:
Izadiaren barnean
Izaki guziak bizi,
Naiz an goyan naiz or bean
Bizi osoz ekin azi.
Zentzundun ta zentzungabe
Bizirik dagozelako,
Alkarren leyan goi ta be
Ekintzan yardun bearko.
B-1:
Bizi bear ekintzetan
Ekintzaz oro lurtarrak,
Alkarren aldamenetan
Alan olan be-goitarrak
Ekin diardutelarik
Bizirki eusten zaio,
Beko guzien aldetik,
Goikoak berdin yo ta yo.
A-2:
Zabaldegi sakonean
Izar eta eguzkiak,
Iņoiz ez or gelditzean
Biziaz erabilliak.
Argi ta su darizkie
Bizi baitira kartsuki,
Orren esker diardue
Bira ta bira biziki.
B-2:
Ibilli dabilztelarik
Ta orrengatik ain zuzen,
Ikusten dira bizirik
Guzia baita igipen.
Ibil ta ibil gelditzeke
Izadiaren barnean,
Ekintzean eten
Eta bizi ekintzean.
A:
Bizia da ekintza!
B:
Ekintza da bizia!
A:
Bizia da ekintza!
B:
Ekintza da bizia!
A-3:
Ludi zabalean zear
Landareak ernetzeko
Guna errotik igo
Bizi-indar antxe dalako
Orri ta osto zabal
Muskil altxumak ernerik,
Lili ederrak idikitzen
Diardutela bizirik.
B-3:
Ernamintzeko bearrak
Landare-bizia dagi,
Azkortzerako jokerak
Bultz-ekitean ageri.
Erroetan erne-miņa:
Zuztarretan izerdia,
Bizi oso eragiņa
Emateko igalia.
A-4:
Abeldia bizi oro
Aizean naiz itxasoan,
Legor gaņean aboro
Narraz eta ibiltzean.
Biziak dagi egaldaka
Orobat urtan igeri,
Eragin be narraztaka
Eta anketan ibilli.
B-4:
Egaztiak egazturik
Arraidiak igeriten,
Oingabeak narrazturik
Eta abereak ibilten.
Lau igiera oietaz
Biziari damayote,
Nabarmentzeko burrustaz
Bakoitzaren bide bete.
A:
Bizia da ekintza!
Ekintza da bizia!
B:
Bizia da ekintza!
Ekintza da bizia!
A-5:
Gizonarengan bizia
Bere baitan eragiten,
Edozein danik aldia
Alde orotan yarduten.
Biziagatik ikusi
Berbera dala-ta entzun,
Bere bidez unki-erazi
Usain, txasta; bizi-zentzun.
B-5:
Begi biak idekirik
Belarriak zabalduta,
Atzak be dabilztelarik
Sudur, mingain beartuta.
Biziaren eragille
Zentzun oro bizi-iturri,
Berak dirala emaille
Eurak biziari eutsi.
A-6:
Bizi-izaten oldozten da
Biziagatik maitatzen,
Bizitik dator naimena
Bizi bitartez amesten.
Buruan irabiatuz
Biotzean suztaturik,
Gogo-barnean igituz
Irudimenean yorik.
B-6:
Buruak dagien lana
Biotzak duen pilpira,
Gogo-leyak daramana
Amets guzien diztira.
Orok yardun duelako
Biziarentzat bidea,
Betidanik izandako
Bizi agertzeko elea.
A:
Bizia da ekintza!
B:
Ekintza da bizia!
A:
Bizia da ekintza!
B:
Ekintza da bizia!
A-7:
Bizi!, biziaren bizi!
Poz ororen iturburu,
Alaitasuna erazi
Maitasuna be mukuru.
Goi-argia eragille!
Olermenaren iturri,
Amets guzien yagole
Osotasun igan yori.
B-7:
Ekin-ekiņik ekintza!
Iregandik igitasun,
Iregaitik ibilkuntza
Iregan izaki yardun.
Ekin-ekintza ekiņik!
Oro ari eragiten,
Iretzat ezta eziņik
Goiko indar erabilten.
|
