Sueltzuzar
Otsaillaren seian ziraden
Eta igande goizean
Kuadrilatxo bat juntatu ziran
Dibertitzeko pozean
Eskopeta ta txakurra arturik
Juan ziran bide luzean;
Olaberrita ballarakoak
Txapeldun daude eizean!
Illuntzerako eudia ba-zan,
Baña goizetik oskarbi.
Mendi artako pizti gaxoak
Ibilli zituzten larri,
Lana ederki egin zutela
Aitortu dezagun garbi,
Kuadrila orrek egun batean
Il zituan iru erbi.
Eztakit zenbat eiztari ziran
Baña bi txakur bakarrik,
Usaia artu eta bidean
Ein zuten pauso azkarrik.
Erbi gaxoak biziagatik
Saiatu baña alperrik
¡Luis Lasao'k ez omen zeukan
Begietako makarrik!
Erbi oien pixua zertzan
Oraindikan etzait astu:
Seina t'erdina libra ziran bi,
Burutik ez banaiz nastu,
Irugarrenak zazpian berriz
Oker aundirik ez tu.
Nai duenak kontu atera
Orra ogei libra justu.
Urtabe txarra izan da aurten
Gure Jainkoak egiña,
Artorik ere ezta emen izan
Txarririk azteko aña;
Mendira juanda kuadrila ori
Saiatu zan alegiña,
¡Gatzaren paltan galtzen ezpada
Badute naiko zezeña!
Urte guzian ezta paltatzen
Lasao'n sagardorikan,
Erbi okela sobrean berriz,
Ortan ezta dudarikan.
Ibaia ere aldean dauka,
Angulak datoz andikan.
Artoak gutxi izanagatik
Eztago kuidadorikan.
Egitar oiek leno bazuten
Eizean mila pantasi,
(¡Dolore uste izanagatik
Gelditu oi da itxusi!)
Gaur Luis Lasao nagusi dago
Bere txakur eta guzi.
Ona argazkia non daukazuten
Nai badezute ikusi.